बैशाख २९ गते २०८३, काठमाडौं ।
मानसिक सुस्वास्थ्य र आत्महेरचाहलाई प्रवर्द्धन गर्ने उद्देश्यले महिला तथा बालबालिकाको बेचबिखन विरुद्ध सहकर्मी समूह नेपाल (एटविन) मा आबद्ध नागरिक समाज संघसंस्थाका सदस्यहरूका लागि तनाव व्यवस्थापन तथा मानसिक सुस्वास्थ्य सम्बन्धी एक सत्र आज ललितपुरमा सम्पन्न भएको छ। कार्यक्रममा ३० जना सहभागीहरूको सहभागिता रहेको थियो।
सत्रमा तनावका विभिन्न तह, बर्नआउट, तनावसँग जुध्ने उपायहरू तथा तनाव व्यवस्थापनसम्बन्धी व्यावहारिक अभ्यासहरूबारे छलफल गरिएको थियो। सहभागीहरूले आफ्ना वास्तविक जीवनका अनुभवहरू साझा गर्दै तनावपूर्ण परिस्थितिहरूलाई कसरी सामना तथा व्यवस्थापन गरे भन्ने विषयमा अनुभव आदानप्रदान गरेका थिए। साथै, आवश्यक परेको अवस्थामा कहिले र कसरी पेशागत सहयोग लिन सकिन्छ भन्ने विषयमा पनि छलफल गरिएको थियो।
सत्रले सिकाइ, आत्मचिन्तन तथा अनुभव आदानप्रदानका लागि सहयोगात्मक वातावरण सिर्जना गर्नुका साथै व्यक्तिगत तथा व्यावसायिक जीवनमा मानसिक सुस्वास्थ्यको महत्व र आत्महेरचाहको आवश्यकता थप उजागर गरेको थियो।
